गोपालगंज म' बाढ़ि के डर बढ़ल, गंडक नदी म' कटाव जारी - मिथिला दैनिक

Breaking

मंगलवार, 28 जून 2016

गोपालगंज म' बाढ़ि के डर बढ़ल, गंडक नदी म' कटाव जारी

गोपालगंज। 28 जून। गोपालगंज म' गंडक नदी के जलस्तर म' वृद्धि भेला सं निरन्तर बाढ़ि के डर बढ़ल जे रहल अछि। बढ़ैत जलस्तर सं जते तटबंध पर दबाव बढ़ी रहल अछि ओतहि बढ़ैत दबाव केर वजह सं सदर प्रखंड के मसानथाना गाम में कटाव तेज भ' गेल अछि। कटाव केर कारण सं एहि गाम के अस्तित्व पर खतरा मंडराबे लागल अछि।  मसानथाना गाम गंडक के किनारा में बसल अछि आर एहि गामक आबादी करीब 1500 अछि। एहि गाम में करीब 300 परिवार रहैत छैथ।

ओना ते हर साल एहि गाम लग गंडक नदी के बाँध में कटाव होइत रहैत छैक लेकिन ग्रामीण सभक मुताबिक अय बेर हालत भयावह अछि। कटाव के कारण सं सभ ग्रामीण म' भय केर माहौल उत्पन्न भ' गेल छैन्ह।

बाढ़ि नियंत्रण विभाग गंडक के कटाव क' रोकबाक लेल  मसानथाना गाम में कैको दिन सं कटाव निरोधी काज क' रहल अछि। बाढ़ नियंत्रण विभाग केर सहायक अभियंता सचिन कुमार के मुताबिक बारिश भेलाक कारण सं सदर प्रखंड के मसानथाना सहित आसपास के आन गाम में सेहो  गंडक केर दबाव बेसी रहत। ओना गंडक में एखन एक लाख क्यूसेक पानी केर बहाव अछि जे ख़तरा सं बहुत कम कहल जे सकैत अछि।