एक सालक भीतर पूरा बिहार म' वाई - फाई, पटना केर बेलदारीचक होयत बिहारक पहिल वाई-फाई गाम - मिथिला दैनिक

Breaking

शुक्रवार, 24 जून 2016

एक सालक भीतर पूरा बिहार म' वाई - फाई, पटना केर बेलदारीचक होयत बिहारक पहिल वाई-फाई गाम

पटना। 24 जून।  केंद्रीय संचार आर सूचना प्रौद्योगिकी मंत्री रविशंकर प्रसाद दावा केलाह कि एक साल के भीतर पूरा बिहार वाई-फाई सेवा सँ जुइर जायत। एहि सेवा सँ सबसँ पहिने राज्य केर धार्मिक आर पर्यटन स्थल सभ के जोड़ल  जायत। प्रमुख शहर जेना पटना, भागलपुर, मुजफ्फरपुर आर गया क' फोर-जी सेवा सँ जोड़ल जायत। पटना केर  संचार सदन म' पत्रकार सभ सँ बातचीत म' श्री प्रसाद  कहाला कि पर्यटन आर धार्मिक महत्वक शहर नालंदा, पावापुरी, राजगीर आर सीतामढ़ी के तीन-चार मास के भीतर वाई-फाई सेवा सँ जोड़ल जायत। बोधगया क' पहिने  वाई-फाई सेवा सँ जोइर देल गेल अछि।प्रसाद जी कहला की पटना हाईकोर्ट परिसर आय यानि शुक्र दिन सँ  वाई-फाई सेवा सँ लैस भ' जायत।

पटना केर बेलदारीचक होयत बिहारक पहिल वाई-फाई गाम 

एसके मेमोरियल हॉल म' रविशंकर प्रसाद द्वारा पटना के पुनपुन प्रखंड के गाम बेलदारीचक क' बिहारक पहिल वाई-फाई गाम बनेबाक घोसना केलाह। बेलदारीचक गाम बहुत जल्द पूरा तरहे वाई-फाई सँ जुइर जायत। एहि गाम म'  वसुधा केंद्र केर माध्यम सँ काज भ' रहल अछि। सभ ग्रामीण क' पहिल बीस मिनट तक फ्री वाई-फाई सेवा केर  सुविधा मिलत, ओकर बाद चार्ज लागत। जे सभ ग्रामीण कनेक्शन लेता ओ एहि सुविधा केर लाभ ल' पउता।